1 ’Επειδὴ τὰ κακὰ ἐνταῦθα καὶ τόνδε τὸν τόπον
2 περιπολεῖ ἐξ ἀνάγκης, βούλεται δὲ ἡ ψυχὴ ϕυγεῖν τὰ
3 κακά, ϕευκτέον ἐντεῦθεν. Τίς οὖν ἡ ϕυγή ; θεῷ, ϕη-
4 σιν, ὁμοιωθῆναι. Τοῦτο δέ, εἰ δίκαιοι καὶ ὅσιοι μετὰ
5 ϕρονήσεως γενοίμεθα καὶ ὅλως ἐν ἀρετῇ. Εἰ οὖν ἀρετῇ
6 ὁμοιούμεθα, ἆρα ἀρετὴν ἔχοντι ; Καὶ δὴ καὶ τίνι θεῷ ; ῏Αρ’
7 οὖν τῷ μᾶλλον δοκοῦντι ταῦτα ἔχειν καὶ δὴ τῇ τοῦ κόσμου
8 ψυχῇ καὶ τῷ ἐν ταύτῃ ἡγουμένῳ ᾧ ϕρόνησις θαυμαστὴ
9 ὑπάρχει ; Καὶ γὰρ εὔλογον ἐνταῦθα ὄντας τούτῳ ὁμοιοῦ-
10 σθαι. ῍Η πρῶτον μὲν ἀμϕισβητήσιμον, εἰ καὶ τούτῳ ὑπάρ-
11 χουσι πᾶσαι· οἷον σώϕρονι ἀνδρείῳ εἶναι, ᾧ μήτε τι
12 δεινόν ἐστιν· οὐδὲν γὰρ ἔξωθεν· μήτε προσιὸν ἡδὺ οὗ καὶ
13 ἐπιθυμία ἂν γένοιτο μὴ παρόντος, ἵν’ ἔχῃ ἢ ἕλῃ. Εἰ δὲ καὶ
14 αὐτὸς ἐν ὀρέξει ἐστὶ τῶν νοητῶν ὧν καὶ αἱ ἡμέτεραι, δῆλον
15 ὅτι καὶ ἡμῖν ἐκεῖθεν ὁ κόσμος καὶ αἱ ἀρεταί. ῏Αρ’ οὖν ἐκεῖνο
16 ταύτας ἔχει ; ῍Η οὐκ εὔλογον τάς γε πολιτικὰς λεγομένας
17 ἀρετὰς ἔχειν, ϕρόνησιν μὲν περὶ τὸ λογιζόμενον, ἀνδρίαν
18 δὲ περὶ τὸ θυμούμενον, σωϕροσύνην δὲ ἐν ὁμολογίᾳ τινὶ καὶ
19 συμϕωνίᾳ ἐπιθυμητικοῦ πρὸς λογισμόν, δικαιοσύνην δὲ τὴν
20 ἑκάστου τούτων ὁμοῦ οἰκειοπραγίαν ἀρχῆς πέρι καὶ
21 τοῦ ἄρχεσθαι. ῏Αρ’ οὖν οὐ κατὰ τὰς πολιτικὰς ὁμοιούμεθα,
22 ἀλλὰ κατὰ τὰς μείζους τῷ αὐτῷ ὀνόματι χρωμένας ; ’Αλλ’
23 εἰ κατ’ ἄλλας, κατὰ τὰς πολιτικὰς ὅλως οὔ ; ῍Η ἄλογον
24 μηδ’ ὁπωσοῦν ὁμοιοῦσθαι κατὰ ταύτας — τούτους γοῦν
25 καὶ θείους ἡ ϕήμη λέγει καὶ λεκτέον ἀμῃγέπῃ ὡμοιῶσθαι
26 — κατὰ δὲ τὰς μείζους τὴν ὁμοίωσιν εἶναι. ’Αλλ’ ἑκατέρως
27 γε συμβαίνει ἀρετὰς ἔχειν κἂν εἰ μὴ τοιαύτας. Εἰ οὖν τις
28 συγχωρεῖ, [κἂν εἰ μὴ τοιαύτας] ὁμοιοῦσθαι δύνασθαι, ἄλλως
29 ἡμῶν ἐχόντων πρὸς ἄλλας, οὐδὲν κωλύει, καὶ μὴ πρὸς ἀρετὰς
30 ὁμοιουμένων, ἡμᾶς ταῖς αὑτῶν ἀρεταῖς ὁμοιοῦσθαι τῷ μὴ
31 ἀρετὴν κεκτημένῳ. Καὶ πῶς ; ῟Ωδε· εἴ τι θερμότητος
32 παρουσίᾳ θερμαίνεται, ἀνάγκη καὶ ὅθεν ἡ θερμότης
33 ἐλήλυθε θερμαίνεσθαι ; Καὶ εἴ τι πυρὸς παρουσίᾳ θερμόν
34 ἐστιν, ἀνάγκη καὶ τὸ πῦρ αὐτὸ πυρὸς παρουσίᾳ θερμαί-
35 νεσθαι ; ’Αλλὰ πρὸς μὲν τὸ πρότερον εἴποι ἄν τις καὶ ἐν
36 τῷ πῦρ εἶναι θερμότητα, ἀλλὰ σύμϕυτον, ὥστε τὸν λόγον
37 ποιεῖν τῇ ἀναλογίᾳ ἑπόμενον ἐπακτὸν μὲν τῇ ψυχῇ τὴν
38 ἀρετὴν, ἐκείνῳ δέ, ὅθεν μιμησαμένη ἔχει, σύμϕυτον· πρὸς
39 δὲ τὸν ἐκ τοῦ πυρὸς λόγον τὸ ἐκεῖνον ἀρετὴν εἶναι· ἀρετῆς
40 δὲ ἀξιοῦμεν εἶναι μείζονα. ’Αλλ’ εἰ μὲν οὗ μεταλαμβάνει
41 ψυχὴ τὸ αὐτὸ ἦν τῷ ἀϕ’ οὗ, οὕτως ἔδει λέγειν· νῦν δὲ
42 ἕτερον μὲν ἐκεῖνο, ἕτερον δὲ τοῦτο. Οὐδὲ γὰρ οἰκία ἡ
43 αἰσθητὴ τὸ αὐτὸ τῇ νοητῇ, καίτοι ὡμοίωται· καὶ τάξεως
44 δὲ καὶ κόσμου μεταλαμβάνει ἡ οἰκία ἡ αἰσθητὴ κἀκεῖ ἐν
45 τῷ λόγῳ οὐκ ἔστι τάξις οὐδὲ κόσμος οὐδὲ συμμετρία.
46 Οὕτως οὖν κόσμου καὶ τάξεως καὶ ὁμολογίας μεταλαμ-
47 βάνοντες ἐκεῖθεν καὶ τούτων ὄντων τῆς ἀρετῆς ἐνθάδε, οὐ
48 δεομένων δὲ τῶν ἐκεῖ ὁμολογίας οὐδὲ κόσμου οὐδὲ τάξεως,
49 οὐδ’ ἂν ἀρετῆς εἴη χρεία, καὶ ὁμοιούμεθα οὐδὲν ἧττον
50 τοῖς ἐκεῖ δι’ ἀρετῆς παρουσίαν. Πρὸς μὲν οὖν τὸ μὴ
51 ἀναγκαῖον κἀκεῖ ἀρετὴν εἶναι, ἐπείπερ ἡμεῖς ἀρετῇ
52 ὁμοιούμεθα, ταυτί· δεῖ δὲ πειθὼ ἐπάγειν τῷ λόγῳ μὴ
53 μένοντας ἐπὶ τῆς βίας.